Heilbrigðiseftirlit Vesturlands

 

 

 

 

Hér með eru auglýst drög að tímabundu starfsleyfi fyrir Þrótt ehf  vegna flutnings á menguðum jarðvegi / jarðvegi með óvirkt spilliefni frá aðstöðu Terra á Akranesi á sorpurðunarsvæði í Álfsnesi. 

 Leyfið er gefið út skv.  lögum um hollustuhætti og mengungarvarna nr. 7/1998. laga um meðhöndlun úrgangs nr. 55/2003,  reglugerðar nr. 1040/2016 um skrá yfir úrgangs og mat á hættulegum eiginleikum úrgangs  og reglugerðar nr.  550/2018 um losun frá atvinnurekstri og mengunarvarnareftirlit. 

Umsókn um starfsleyfi barst þann 6. apríl 2021. Umsækjandi fyrir hönd Þróttar ehf er Fannar Freyr Helgason. 

Ástæða umsóknar er óhapp sem varð við flutning á riðusmituðu sauðfé  þann 18. mars s.l. Sjá frétt á vefsvæði Matvælastofnunar.: Óhapp við flutning hræja til brennslu vegna riðu | Matvælastofnun (mast.is)

Starfsleyfisskilyrði fyrir starfsemina ber að auglýsa í minnst 4 vikur  skv. ákvæðum reglugerðar nr. 550/2018, um losun frá atvinnurekstri og mengunarvarnareftirlit.

Hér má finna drög að starfleyfi með starfsleyfisskilyrðum ásamt greinargerð. Þróttur ehf Flutningur Drög

Athugasemdir skulu berast á  This email address is being protected from spambots. You need JavaScript enabled to view it. fyrir 4. maí  2021.

 Hér með eru auglýst drög að starfsleyfi fyrir skotæfingasvæði Skotfélags Akraness  sem staðsett er  við norðanvert Akrafjall, á landispildu úr landi Óss. 

Umsókn um starfsleyfi vegna skotsvæðis barst þann 4. mars 2020. " Sótt er um „æfingasvæði skotfélags. Rekstur skotíþróttavalla- og æfingasvæðis ólympískra íþróttagreina. „  Í umsókn kemur fram að starfsemin hófst árið 1995.

Upphaflega var gefið út starfsleyfi fyrir svæðið árið 2003 og endurnýjað til eins árs í september 2019.

Landspilda sem skotæfingasvæðið er á er  úr landi Óss í Hvalfjarðarsveit.  Akraneskaupsstaður á landspilduna.  Á Aðalskipulagi Hvalfjarðarsveitar 2008 til 2020 er landsvæðið merkt sem „opið svæði til sérstakra nota“ og í greinargerð skipulags sem „ skotfimisvæði úr landi Óss“. Merkt O33 á uppdrætti.  Skotæfingasvæðið er staðsett við rætur Akrafjalls. Í nágrenni við það eru gönguleiðir upp á fjallið, skógræktarsvæði með útivistarstígum og reiðvegur.

Heilbrigðisnefnd hefur beðið eftir að landeigandi deiliskipuleggði svæðið frá því umsókn barst en af því hefur ekki orðið. Starfsleyfisumsóknin  hefur verið til umræðu á nokkrum fundum Heilbrigðisnefndar Vesturlands síðasta árið og að lokum samþykkt á fundi þann 10. febrúar s.l að auglýsa drög að leyfi sem gilda á í  4 ár. 

 Leyfið  verður gefið út skv. lögum um hollustuhætti og mengungarvarna nr. 7/1998. 

Starfsleyfisskilyrði fyrir skotfæfingasvæði ber að auglýsa í minnst 4 vikur  skv. ákvæðum reglugerðar nr. 550/2018 um losun frá atvinnurekstri og mengunarvarnareftirlit. 

Athugasemdir skulu berast á This email address is being protected from spambots. You need JavaScript enabled to view it. fyrir 23. apríl 2021.

Hér má sjá drög starfsleyfis ásamt greinargerð með umsókn frá Skotfélagi Akraness Skotfélag Akraness .

Mánudagur, 22 mars 2021 11:46

Óhapp við flutning sóttmengaðra hræja

Þann 18. mars s.l  varð óhapp við flutning á riðusmituðum úrgangi sem flytja átti til brennslu í Kölku á Suðurnesjum.

Mikill þrýstingur af völdum gasmyndunar úr úrganginum myndaðist í einum gámnum á meðan á flutningi stóð. Þetta varð til þess að hleri á ofanverðum gámnum gaf sig og uppgötvaðist atvikið áður en komið var að Hvalfjarðargöngum.

Hér er tengill á fréttina af vef Matvælastfonunar : 

Óhapp við flutning hræja til brennslu vegna riðu | Matvælastofnun (mast.is)

Page 11 of 16