Uppfært 2. desember 2021

Hér með eru auglýst drög að nýju starfsleyfi fyrir starfsemi bón- og bílaþvottastöðvar að Esjubraut 49 á Akranesi: Tillaga að starfsleyfi

Rekstraraðili er Pollur Bílaþvottur ehf., kt. 560821-0690. Heilbrigðisnefnd gefur út starfsleyfi fyrir starfseminni skv. ákvæðum laga nr. 7/1998 um hollustuhætti og mengunarvarnir.

Umsókn um starfsleyfi barst Heilbrigðiseftirliti Vesturlands þann 25. ágúst 2021, ásamt nánari upplýsingum um reksturinn. Í upphaflegri umsókn var sótt um leyfi fyrir rekstri bón- og þvottastöðvar í húsnæði að Þjóðbraut 13A og var tillaga að starfsleyfi auglýst á heimasíðu HeV þann 27. september og var gefinn frestur til 25. október 2021 til að gera athugasemdir. Heilbrigðiseftirliti Vesturlands hafa nú borist upplýsingar um að rekstraraðili áætli að flytja starfsemina í nýtt húsnæði að Esjubraut 49 á Akranesi. Húsnæðið er í byggingu og er áætlað að það klárist um áramót 2021/2022.

Starfsleyfisskilyrði fyrir rekstrinum byggja m.a. á eftirfarandi sameiginlegum starfsleyfisskilyrðum fyrir bónstöðvar og bílaleigur sem finna má á vefsíðu Umhverfisstofnunar: Starfsleyfisskilyrði fyrir bónstöðvar og bílaleigur.pdf (ust.is).

Tillögu að starfsleyfi fyrir bón- og bílaþvottastöð ber að auglýsa í 4 vikur á vefsvæði Heilbrigðiseftirlitsins, skv. ákvæðum reglugerðar nr. 550/2018 um losun frá atvinnurekstri og mengunarvarnaeftirlit.

Athugasemdir skulu berast á netfangið This email address is being protected from spambots. You need JavaScript enabled to view it. fyrir 30. desember 2021.