Meðfylgjandi er auglýst eftir athugasemdum við tillögu að endurnýjuðu starfsleyfi fyrir fiskþurrkunarfyrirtækið á Ólafsbraut 80 í  Ólafsvík.  Umsækjandi er Klumba ehf,  kt 590117-3310.

Umsókn barst þann 28. október 2021. Í gögnum með umsókn kemur fram : " .. þurrkað er 10-12 þúsund tonn af fiskafurðum á ári.  Langmest af fiskinum kemur úr höfnum á Snæfellsnesi. Öll niðurföll  eru tengd fráveitu sem síðan liggur í sjó. Kælimiðill á kælinum í húsinu er “freon 404". Fiskþurrkunarferlið er í stórum dráttum að  fiski er raðað á grindur inn í klefa til upphitunar í  27°C, þaðan  fer varan í stóran kassa í eftirþurrkun í 5-7 daga við svipað hitastig. Þaðan fer fiskurinn í rakajöfnunarrými í um 7 daga við c.a 15°C fyrir pökkun.  Síðan tekur við pökkun undir þrýstingi í strigapoka og þaðan er varan sett í gám.  Kerfið er lokað til að nýta sem best mögulegan varma.  Úrgangsfiskur og afskurður fer til Skinnfisks í frekari vinnslu. Engir blásarar eru upp á þaki..." 

Fyrirtækið hefur verið með starfsemi á þessum stað um árabil en starfsleyfi rann út fyrir tveimur árum. 

Starfsleyfistillagan er auglýst í samræmi við ákvæði reglugerðar nr. 550/2018 um losun frá atvinnurekstri og mengunarvarnaeftirlit.  Hér má sjá samræmd starfsleyfisskilyrði vegna starfseminnar: Starfsleyfisskilyrði fyrir fiskvinnslu.pdf (ust.is)

Athugasemdir við starfsleyfistillöguna skal senda skriflegar inn á netfangið This email address is being protected from spambots. You need JavaScript enabled to view it.  fyrir 24. desember 2021